लिपुलेक सडक विस्तारका सन्दर्भमा नेपाल सरकारका प्रवक्ता तथा माननीय सञ्चार तथा सूचना प्रविधिमन्त्री श्री ज्ञानेन्द्रबहादुर कार्कीले सञ्चारमाध्यम समक्ष व्यक्त गर्नुभएको नेपाल सरकारको धारणा:-
१. महाकाली नदीपूर्वका लिम्पियाधुरा, लिपुलेक र कालापानी नेपालको अभिन्न भूभाग हो भन्ने तथ्यमा नेपाल सरकार दृढ र स्पष्ट छ ।
२. नेपाल सरकारले भारत सरकारलाई नेपाली भूभाग भएर जाने कुनै पनि किसिमको एकपक्षीय (unilateral) सडक निर्माण/विस्तार रोक्न आग्रह गर्दै आएको छ ।
३. नेपाल भारतको बीच रही आएको घनिष्ठ र मैत्रीपूर्ण सम्बन्धको मर्म र भावना अनुसार दुई देश बीचको सीमा समस्याको समाधान ऐतिहासिक सन्धि सम्झौता, तथ्य, नक्सा र प्रमाणको आधारमा कूटनीतिक माध्यमबाट गर्न नेपाल सरकार प्रतिबद्ध रही आएको छ ।
धन्यवाद !
काठमाण्डौं, २०७८ माघ २ गते आइतवार (१६ जनवरी २०२२)